Si Kuya

Ang totoo, isa lang naman talaga ang naging 'kuya' sa amin nang matagal; si Kuya lang.

Kagabi halos maiyak ako habang ikinukwento sa akin ng kapatid ko ang kalagayan ng mga kuya…napakasaya daw nila. Naiiyak ako sa tuwa kasi, ang sarap marinig na masaya pala ang kapatid ko…salamat sa Dios. Kung babalikan, napakabait talaga niya sa amin. Walang kaparis. Nagkaroon lang ng panahon na halos itakwil ko rin siya sa sama ng loob, pero lumipas na yun, at natutuwa ako dahil malaya na ako. Mahal ko ang Kuya. Malaki ang sakripisyo niya sa amin. Ngayon na nagsisimula siya ng bagong buhay malayo sa amin, panalangin ko lang na lalo pa siyang maging masaya. Silang dalawa.